[center]--------------------------------------------------------------------------------
لسة بتسأليني إن كنت بحبك ولا لأ
وبصراحة كنت عايز أغلّس وأقول لأ
وده سؤال
بعد اللي عدينا فيه مع بعضنا
ولا حد كان زيّنا قبلنا أو بعدنا
علي طول مع بعض ولا يكمّل ثواني بعدنا
كأنك بتسألي القمر إن كان لسّة بيدور
أوإذا كانت الشمس لسّة بتبعت نور
في أي شئ أعذرك المرة دي مقدرش أقول معذور
ولسة بتسألي
فاكرة وقفتنا المجنونةتحت الشتا وسط البرد
ولعب عيال وركوب جمال وقطف الورد
ونظرة عيوني
وكلامي في سكوني
طب فاكرة أول هدية
ومشاعر كانت مستخبية
والله أنتي غالية عليا
وأوعي تكوني فاكرة
خصام لكام لحظة
وكام تكشيرة وحشة
وبيكون ليكي وحشة
أول ما أغمض عيوني
وفاكرة حبيبتي
ودبلة عليها أسمي في أيدك بعد صبر سنين
وباحلم أشوفك لابسة أبيض وعينيكي فرحانين
وأشوف بعيني الفرحة
جاية مكسوفة ولابسة طرحة
وعشان بس يبقي مؤكد
أعملها ومش بهدد
وأصرخ بصوت عالي
وأقول بحبك
موضوع: لسة بتسأليني 
